Ardo edo cava on bat edozein bazkari edo afariren osagai aproposa izan daiteke. Gehiegi edateak, ordea, biharamuna eman dezake: burukomina, mareoak, gonbitoak eta ondoeza orokorra.
Batzuetan ondorio kaltegarri horiek ez daude alkohol asko edateari lotuak histamina dosi altuei baizik. Histamina, gure gorputzean eta elikagai askotan dagoen amina biogenoa da, eta honen maila altuak biharamunaren sintomak eragiten ditu.
Elikagai eta edarietan histaminaren nibelak neurtzeko, Biolan-en biosentsoreak prestatzen dituzte nahi dugun laginean, neurtu nahi dugun aminaren kantitatea zehazteko.
ALAI ARANTZAMENDI; Biolan: Biosentsore bat erreminta analitiko bat da eta interesezko molekulak aztertzen ditu.
…Hau plastikozko barra bat da eta altzairu erdoilgaitzazko barra bat dauka. Honen gainean urrezko kapa bat ipintzen dugu, azalera osoa konduktorea izateko, eta horren gainean ipintzen dugu entzima bat…
Entzima hau analito bakoitzarentzako espezifikoa da. Adibidez, azido malikoa neurtu nahi badugu azido malikoa katalizatzen duen entzima bat erabiliko dugu, parametro bakoitza espezifikoa da analito bakoitzarentzako.
Biosentsorea neurtzeko ekipoan jartzen da eta bertan injektatzen da lagina.
Entzimak histamina katalizatuko du eta izango diren erreakzio kimikoen ondoren jakingo da zenbateko histamina maila duen injektatutako laginak.
Ardogintzan histamina eta beste amina biogenoen neurketan interesa dute, horien goi-mailak ardoaren kalitatean eragina izan bai dezakete.
ESTRELLA BENITO; Bodega Valsacro: Amina biogenak ikertu nahi ditugu, ardoaren kalitatea alda dezaketelako.
Ardoak bizi luzea du, muztioa egiten denetik urte asko geroago arte. Guretzako oso garrantzitsua da mikrobiologia eta amina biogenoen mailak oso parametro garrantzitsua ematen digu. Gaur egun Europan eta Amerikan maila hori kontuan hartzen da eta jende askok begiratzen du, osasunean eragina izan dezakelako.
Amina biogenoen alterazioa ardoaren elaborazio prozesuaren edozein unean gerta daiteke, hartzidura ezberdinen ondoren, hori dela eta analisiak ardogintzaren prozesuaren une ezberdinetan egiten dira.
ESTRELLA BENITO; Bodega Valsacro: Aldaketa bereziki hartziduran ematen da. Ontze prozesuan bakterioen aldaketa egon daiteke eta honek histamina maila alda dezake.
Histamina mailak alda daitezke, igo edo jaitsi, unearen arabera ardoaren bizitza zehar, erreakzio kimikoak daudelako eta guk hori ikertu nahi dugu, une oro zer gertatzen den jakin.
Analisietarako, ardo laginak hartzen dira, prestatu eta biosentsorea prest duen analizatzailean injektatu. Biosentsoreak analizatu nahi den analitoa katalizatuko duen entzima izango du.
ESTRELLA BENITO; Bodega Valsacro: Kupelatik lagina hartu ondoren, prestatu egiten dugu analizatzailean erabiltzeko. Kolorea kentzeko ikatz aktiboa eta iragazkia duen xiringa batean jartzen da lagina.
Ardoa erabat garbia eta gardena ateratzen da, prest biosentsorean sartzeko.
ESTRELLA BENITO; Bodega Valsacro: Garrantzitsua da entzima prestatzea. Entzima aktibatzen dugu.
Tanpoi soluzio pixka bat jartzen dugu eta entzima girotu egiten dugu. Entzima aktibatzen dugu, aparailua kalibratzen dugu eta horretarako patroi bat erabiltzen dugu. Lagina jarri aurretik, patroi horrekin esaten diogu aparailuari ze baremoen artean mugitu nahi dugun. Ondoren lagina jartzen dugu.
Laginak histamina edo beste edozein amina biogeno maila altua emango balu, arrazoia bilatuko litzateke, ardoaren prozesuan dauden legami eta bakterioen kultura eginez eta aminen mailetan duten eragina ikertuz.
Ardogintzan egiten diren kontrol jarraituek amina biogenoen maila okerrak zuzentzen laguntzen dute.
Ardoarena, histamina intoxikazioa eragin dezakeen edari baten adibide bat besterik ez da. Baina ez da gehien duena. Elikagaien beste arlotan, hala nola, arrain kontserbatan, oso kontrol zorrotzak egiten dituzte, bertan histamina maila benetan altua izan bai daiteke.
