Aitziber Sarobe: "Sistema bizidunen parte gara, ez helburu"

Aitziber Sarobe Egiguren biologoa etorkizuneko irakasleen irakaslea da Mondragon Unibertsitatean. Urte luzez aritu da natur kontserbazionismoaren aldeko mugimenduetan. Esperientzia horrek eta bere ibilbide profesionalak pertsona egokia egiten du bioaniztasunaz eta espezieen iraupenaz galdetzeko eta ausnartzeko, doktorea baita biologian, ekologian espezializatutako biologoa. Eta ekologista ere bada, bere esanetan, inoiz baino beharrezkoagoa delako ekologista izatea.