Ekipamendu zientifikoa, made in Tolosaldea

Papergintzarako makinaria ekoizten zuen galdaragintza-enpresa familiar bat izatetik, goi mailako azpiegitura zientifikoentzako piezak egitera iritsi da Belauntzako Cadinox enpresa. Erronkaz erronka, aluminio-aleazioak soldatzeko teknika doitu behar izan dute, eta Tolosaldea Lanbide Heziketa Eskola izan dute bidelagun ikerketa horretan. Material horrek dituen berezitasunez gainera, exijentzia-maila hain altuko homologazioak lortzean dago zailtasuna.