Esklerosi anizkoitzarekin bizi

Esklerosi anizkoitzari mila aurpegiko gaixotasuna esaten diote, pertsona bakoitzari ezberdin eragiten diolako; sintomak, gaixotasunaren bilakaera, pronostikoa, dena da desberdina. Guk aurpegi horietako bat ezagutuko dugu Mikel Lizarralde eibartarraren eskutik. Duela lau urte diagnostikatu zioten esklerosi anizkoitza eta bere leloa "Hemen eta Orain, bizi", bihurtu da. Gaixotasuna ikertzen ari direnengana ere jo dugu, IIS Biocruces Bizkaiak eta Gurutzeta ospitaleko neurologia zerbitzuak elkarlanean egiten diote aurre gaitzari, eta azken urteetako aurrerapenez eta etorkizuneko erronkez hitz egin digute.