Gortasuna entzun

Gortasunaz, normalean, ondoriak baino ez ditugu ezagutzen, ez entzutea, eta gutxiago fenomenoaren beraren ezaugarriak eta jatorria. Xabier Altuna Osakidetzako otorrinolaringologoak azalduko dizkigu gortasuna eragiten duten arrazoi nagusiak eta gaitzaren tratamendu ohikoenak. Teknologiak hobeto entzuten lagun dezake, eta baita enpatia sustatzen ere. Donostiako GAES-Amplifon zentroan, Olatz Mateos audioprotesistak sistema informatiko bat erakutsiko digu. Sistema horren bitartez, gorreria duen pertsonaren lekuan jartzeko aukera dute haren ingurukoek eta entzumen-arazoak lehen pertsonan sentitu.