Hazien bankua: iraganeko laboreak etorkizunekoak bermatzeko

Ehunka hazi mota gordetzen ditu Neikerrek Arkautiko germoplasma bankuan. Euskal Herrian landatutako laboreen haziak dira, herriz herri, baserriz baserri jasotakoak. Laboreen merkatuak izan ditzakeen aldaketei erantzuteko baliagarriak diren haziak dira, eta era berean hondamen ekologikoren bat gertatuz gero, nekazaritzaren etorkizuna bermatu dezaketen altxorra.