Zientzia mikrograbitatean

Lur planetaren grabitatean harrapatuta gaude. Baina badira grabitate horri izkin egiteko moduak. Orbitan dauden espaziontzietan, adibidez, grabitatea konpentsatu egiten da, eta haren eragina ez da nabaritzen. Adibide bat ISS estazioa da; astronautak mikrograbitatean daude, eta horregatik egiten dituzte han mota guztietako esperimentuak. Esperimentu horietan lortzen dute jakitea nolakoa izango litzatekeen errealitatea grabitaterik ez balego.